Haddi: Áigodatkoarta gielda: 390 kr
Bivdokoartta aktiveren
-
Neahta bokte: natureit.no , fefo.no
-
SMS bokte: Sáddes FeFojakt 1963. Ovdamearka: ”FeFojakt SVA1 ” Bivdokoarta gusto dalle bivdoguovllus SVA1, dan beaivvi goas sáddet dieđu.
-
Oza NatureIT áppa Google Play:s (Android) dahje App Store:s (iPhone) ja vurke. Logge sisa geavaheaddjinamain ja beassansániin.
Bivdokoartta dohkálašvuohta, bivdi geatnegasvuohta
Bivdokoarta addá lobi bivdit smávvafuođđuid, earret gárdut - bivdokoarta ii leat gustovaš gárdumii.
Lohpi gusto Finnmárkku ássiide, skuvlaohppiide ja studeanttaide, geat leat Finnmárkkus lohkamin, ja soahtebálvalusgeadnegásaide, geat bálvalit Finnmárkkus.
Bivdokoarta lea gustovaš Finnmárkkuopmodagas ja bivdoguovllus. Bivdi galgá háhkat buori ipmárdusa njuolggadusaide ja priváhta eanaeaiggáduššanbeliide. Don gávnnat dieđuid bivddu reguleremiid, eriid ja eará FeFo neahttasiidduin.
Bivdokoartta fertet aktiveret ovdal go bivddát vuoncálotti, njoammila, čáhcelotti, čuonjá ja mearralotti. Dat mearkkaša dieđihit makkár bivdoguovllus ja goas leat bivdimen. Jus áiggut bivdit smávvaboraspiriid de it dárbbaš aktiveret bivdokoartta. Jus áiggut bivdit šlájaid mat eai gáibit aktiverema, lea bivdokoarta maid gustovaš áigodagas suoidnemánu 1 b. – borgemánu 1 b. ja miessemánu 1 b. ja geassemánu 30 b. dan jagi go bivdokoartta muđui lea gustovaš. Bivdoraporta galgá sisabuktojuvvot, maŋemusat cuoŋománu 30. beaivvi. Bivdokoarta galgá álo leat mielde bivddidettiin. Galggat čájehit bivdokoartta ja sállaša jus bivdobearráigeahčči sihtá dan dahkat.
Doppe gos koarta maid lea gustovaš liseansabivddus/earrebivddus lea bivdokoarta maid gustovaš geatki, gumpe ja albbas bivdui. Jus áiggut liseansabivdit fertet dieđihit liseansabivdiin bivdoregistarii.
-
Sállan, Gádde-Iččát, Iččát, Ruotnjárga/Jealmmeseaddju ja Muosát: rievssaha bivdoáigi lea čakčamánu 10. beaivvi rájes gitta juovlamánu 23. beaivvi rádjai.
-
Beahceloddi lea ráfáiduhttán Álttá ja Porsáŋggu gielddas.
-
Kárášjoga ja Mátta-Várjjaga goahccevuvddiin ii leat lohpi bivdit lagat go 300 mehtera iežas fievrrus meahccebiilageainnuin.
Finnmárkkuopmodaga eatnamiin lea boazodoallu birra jagi
FeFo bivdá olbmuid leat erenoamáš várrogasat beanageavahemiin boazodoalloguovlluin. Mii muittuhit beanaeaiggáda ovddasvástádus mii lea čadnon láhkii:
Beanaláhka § 7: Guovlluin gos bohccot guhtot lobálaččat, galgá beanaeaiggát váruhit ahte beana ii baldde ja ráfehuhtte bohccuid, vaikko lea gitta dahje bearráigeahčus. Boazodoalli sáhttá gáibidit beatnaga mii ráfehuhttá bohccuid, galgá lea viesus dan botta go eallu johttá viesu dahje barta meattá.
Beatnagiin vánddardit guovlluin gos bohccot guhto, lea maid boazodoalloláhka § 65 gustovaš: Juohkehaš guhte johtala guovlluin gos bohccot guhtot, lea geatnegas geavahit iežas fuolalašvuođain ja várrogasvuođain nu ahte dárbbašmeahttumit ii ráfehuhte ii ge gavdnje bohccuid mat leat guohtume, johtime jna. Erenoamáš fuolalaš galgá leat ragatáigge, guottetáigge, mearkun-, rátkkašan- ja njuovadanáigge.
Loga vánddardanrávvagiid fefo.no siddus. Oza dieđuid mo boazodoallu geavaha guovlluid gos áiggut vánddardit. nibio.no:as gávnnat čakčaguohtunguovlluid ja eará áigodagaid guohtumiid. Gávnnat maid eará dieđuid boazodoalu birra nu go johtingeainnut.